30 Студзеня 2001
Кульбіты ва ўладзе за месца ў «палаце»
41-гадовы берасцейскі чыноўнік Аляксандр Працэвіч ужо ў трэці раз імкнецца стаць дэпутатам. Яшчэ ў лістападзе 1996 года дырэктар берасцейскай СШ №30 апынуўся ў ліку няўдачнікаў з-за таго, што вынікі выбараў у Вярхоўны Савет былі ануляваны. Праўда, удзел у гонцы з праграмай на вернасць Лукашэнку прынёс яму пасаду намесніка старшыні гарвыканкама.
15 кастрычніка 2000 года насельніцтва Брэста ў большасці сваёй байкаціравала выбары, а ад тых, хто прыйшоў, А.Працэвіч атрымаў 22.177 «чорных шароў» супраць.
Недаверу землякоў, аднак, чыноўнік супрацьпаставіў сілу ўлады. Са сваёй пасады намесніка старшыні гарвыканкама ён нечакана «перакульваецца» ніжэй – у гарадскі аддзел адукацыі, намеснікам загадчыка. Там неўзабаве «падседзеў» шэфа, і зараз А.Працэвіч – уладар усёй школьнай арміі ў 300-тысячным горадзе, якая паслухмяна вышыхтавана пад сцягі і лозунгі кульбітнага вертыкальшчыка.
http://brestonline.com/be/news/news455.html