30 Лістапада 2000
Два гады пазбаўленьня волі
Берасьцейскі міжгарнізонны суд прысудзіў старшаму прапаршчыку аднае з частак памежных войскаў, дыслякаванай у Пінску (Берасьцейская вобласьць), два гады пазбаўленьня волі з абавязковым прыцягненьнем да працы. Прапаршчык Ж. прызнаны вінаватым у зьбіцці жаўнераў (даказаныя 24 эпізоды), а таксама прымусу іх да працы на асабістай сядзібе й будаўніцтве гаражу. Прапаршчык цалкам прызнаў сваю віну й патлумачыў суду, што ўжываў мэтады гвалту дачынна жаўнераў "з чыста бацькоўскіх пабуджэньняў і меркаваньняў".
http://brestonline.com/be/news/news374.html