30 Жніўня 2000
Няйнакш, іншапланецяне…
Як паведамляе "Радыё Рацыя", невядомыя абрабавалі музэй касманаўтыкі ў Тамашоўскай сярэдняй школе Берасцейскага раёна. Злаўмыснікі патрапілі ў будынак музэя і скралі асабістыя рэчы першага беларускага касманаўта, а цяпер начальніка Цэнтра падрыхтоўкі касманаўтаў Расеі Пятра Клімука, які, як вядома, вучыўся ў Тамашоўскай сярэдняй школе. З музея знік скафандр касманаўта, гідракамбінезон, трохпальцавая пальчатка, трэніровачны касцюм і цеплаахоўны касцюм. Усе гэтыя рэчы былі перададзены музею асабіста Пятром Клімуком 20 гадоў таму. Пётр Клімук актыўна выступае за паскарэнне інтэграцыі Беларусі і Расеі.
http://brestonline.com/be/news/news197.html