БрэстOnline.com: Навіны з Брэста, Беларусь

24 Красавіка 2003 Пасажырскія перавозкі па чыгунцы стратныя   Пасажырскія перавозкі ў Берасьцейскім аддзяленьні чыгункі стратныя. Страты ад іх у першым кварталі склалі 6,4 мільярды рублёў. Пра гэта на прэс-канфэрэнцыі паведаміў начальнік аддзяленьня чыгункі Ўладзімер Рынг. Паводле яго, сёлета адзначаецца і зьніжэньне транзытных пасажырскіх перавозак. Зараз з 12 саставаў, якія раней курсіравалі праз Берасьце паміж Усходам і Захадам, засталася роўна палова. А беларуская чыгунка пакінула адзін замежны цягнік Менск-Варшава. Асноўная прычына -- зношанасьць цягнікоў, якая не адпавядае заходнім патрабаваньням. У Берасьцейскім аддзяленьні чыгункі да катэгорыі зношаных можна аднесьці 70 адсоткаў пасажырскага саставу. Не набываліся і новыя вагоны праз іх дарагавізну. Напрыклад, адзін купэйны вагон расейскай вытворчасьці каштуе 460 тысячаў даляраў. Што тычыцца прыгарадных цягнікоў, то ўсе іх маршруты захоўваюцца. На летні пэрыяд будзе пушчаны цягнік Берасьце-Сымферопаль, прычапныя вагоны Берасьце-Анапа, Берасьце-Эўпаторыя і новы цягнік Берасьце–Валгаград праз Саратаў. Акрамя таго, берасьцейцы маюць прычапныя вагоны з камунікацыяй з Бэрлінам, Прагай, Браціславай і Варшаваю, паведамляе БЕЛТА.

http://brestonline.com/be/news/news1958.html

 Паважаныя кaлегi, нагадваем вам, што пад час выкарыстаньня матэрыялаў сайта спасылка на БрэстOnline.com абавязковая