25 Ліпеня 2000
Улада не разьбірае фронты
Баранавіцкі гарвыканкам прапанаваў сябрам БНФ «Адраджэньне» замест самастойнага пікету да 10-х угодкаў Дня Незалежнасьці 27 ліпеня пікетаваць разам зь сябрамі КХП БНФ. Тыя атрымалі дазвол на пікет 23 ліпеня ў Маладым Парку з 15-й да 17-й без выкарыстаньня сьцягоў і нацыянальнай сымболікі. Як лічаць у выканкаме, немэтазгодна праводзіць два пікеты з адной назвай. Цікава, што ў пісьмовым адказе з гарвыканкаму прысутнічае толькі прапанова — няма дазволу, але ж няма й забароны.
Новы старшыня гарвыканкаму Дзічкоўскі адмовіўся сустракацца з прадстаўнікамі БНФ «Адраджэньне», каб абмеркаваць узьніклыя з абодвух бакоў праблемы. Усе пытаньні трэба накіроўваць пісьмова — тады будзе афіцыйны адказ.
Руслан Равяка, Баранавічы, "Наша Ніва"
http://brestonline.com/be/news/news167.html