27 Красавіка 2001
На мытні ў Брэсце затрыманы кантрабандны аўтобус

 На мытні ў Брэсце затрыманы не толькі кантрабандныя цыгарэты, але і аўтобус. Пахавалі надзею расійскага вадзіцеля на ўдалы падпольны бізнес супрацоўнікі мытні "Заходні Буг". На аўтобусе іншаземнай вытворчасці ён вёз у Германію турыстычную групу, а заадно прыхаваў у тайніках свайго транспартнага сродку значную партыю цыгарэт коштам больш за адзін мільён рублёў. Пры надглядзе на пункце мытнага афармлення "Варшаўскі мост" супрацоўнікі мытні знайшлі і затрымалі не толькі цыгарэты, але і аўтобус, коштам 200 мільёнаў рублёў. Цяпер суд, хутчэй за ўсё, накіруе іх у даход дзяржавы.
А праблему пасажыраў, якія вымушана высадзіліся і якія заплацілі немалыя грошы за свае пуцёўкі, давялося вырашаць вадзіцелям іншых аўтобусаў, што належаць фірме, якая арганізавала гэту паездку.