29 Сакавіка 2001
Замест фальгі — футра

 Аператыўнай групай Упраўлення КДБ па Брэсцкай вобласці напрыканцы мінулага тыдня на тэрмінале «Брэстгрузаўтасэрвіс» затрыманы аўтафургон, які ехаў з Германіі ў Расію.
Згодна з дакументам, аўтамабіль быў загружаны рамамі матацыклаў, поліэтыленавай плёнкай, фальгой, вырабамі для транспарціроўкі, аналізатарамі спектра і г.д. Аднак падчас праверкі высветлілася, што ў фургоне знаходзіліся зусім іншыя тавары: камплекты прафесійнай апаратуры «Soni», «Panasonic», аўтазапчасткі, матэрыялы для зубапратэзіравання, фірменнае адзенне, буйная партыя футравых скурак і іншыя каштоўныя тавары. Паводле папярэдняй ацэнкі, кошт грузу, які перавозчыкі збіраліся правезці без уплаты мытных плацяжоў, перавышае 400 мільёнаў рублёў. Зараз вырашаецца пытанне аб перадачы матэрыялаў у суд для прыняцця рашэння аб канфіскацыі кантрабанднага тавару.