30 Студзеня 2001
Атрута – са сталоўкі

 З дыягназам таксікаінфекцыі, выкліканай патагенным стафілакокам, у Баранавічах шпіталізаваныя 14 навучэнцау ПТВ-61. Яшчэ 6 іхніх аднагодкаў атрымалі медычную дапамогу на месцы, калі яны шматразова ванітавалі. Такі сумны вынік абедзеннага харчавання ў сталоўцы вучэльні, якую абслугоўвае арэнднае прадпрыемства гарадскога грамадскага харчавання.
Галоўны санітарны ўрач Брэсцкай вобласці Валянціна Качан паведаміла, што ўспышку інфекцыі выклікала ялавічына з кухонных запасаў, на якія скончыўся тэрмін захоўвання. Эпідэмічнае расследаванне гэтага пагражае жорсткімі дысцыплінарнымі і штрафнымі пакараннямі як кулінараў, так і іх кіраўнікоў.