Упершыню за апошнiя 55 гадоў падчас сьвяточнага багаслужэньня з нагоды Нараджэньня Хрыстова ў берасьцейскiм касьцеле сьвятога Крыжаўзьвiжаньня гучаць мэлёдыi аргану.
Яшчэ ў даваенны час берасьцейскi касьцёл славiўся сваiм арганам. Але адразу пасьля закрыцьця каталiцкага храму ў 1948 годзе яго напаткаў незайздросны лёс. Распавядае бiскуп Казiмiр Вялiкаселец:
(Вялiкаселец: ) “Касьцёл быў зачынены i заменены на краязнаўчы музэй. I арган таксама зламалi, невядома куды ён зьнiк. Напэўна, на мэталалом выкiнулi. Хаця арган можна было выкарыстоўваць i ў музэi, канцэрты даваць. Але яго разабралi. А як нi было аргана, здалi касьцёл”.
Пасьля вяртаньня храму рымска-каталiцкай царкве аднавiлiся пошукi аргана, якi трэба было ўсталяваць у касьцёле. Пошукi расьцягнулiся амаль на 15 гадоў. Зьдзейсьнiць мару берасьцейскiм каталiкам дапамог прафэсар тэалёгii зь Нямеччыны Адольф Хампэль. Празь ягоныя кантакты дайшлi зьвесткi пра замену аргану ў адной з парафiяў каля Мюнхена. Там адгукнулiся на просьбу з Беларусi й ахвяравалi музычны iнструмэнт. Арган быў завезены ў Берасьце ў разабраным выглядзе, прайшоў рэстаўрацыю i нарэшце ўсталяваны ў касьцёле.
Бiскуп Казiмiр Вялiкаселец гаворыць, што цяпер у Берасьцi няма майстра, якi б меў досьвед ігры на аргане. Таму на сьвяточныя набажэнствы запрашаюць мясцовых пiянiстаў. Але настаяцель касьцёлу ўпэўнены, што неўзабаве на гэтым музыкальным iнструмэнце будзе граць прафэсiйны выканаўца — арганiст. А зь Берасьцейскiм музычным каледжам ужо дасягнутая дамоўленасьць пра адкрыцьцё адмысловых курсаў, падчас якiх маладыя музыкi вучылiся гуляць на аргане ў прафэсiяналаў зь Менску ды Гораднi.
Такiм чынам, сьвята Нараджэньня Хрыстова берасьцейскiя каталiкi сустракаюць сёлета з асаблiвым хваляваньнем: амаль праз 55 гадоў у касьцёле зноў гучыць арган.
Крыніца: Алег Супрунюк, Берасьце, Радыё Свабода |
Друкаваць
На гэты час няма ніводнага меркавання.
Ты можаш стаць першым! | Гэтая фунцыя толькі для зарэгістраваных карыстальнікаў. | |
24 Сьнежня 2002